Showing posts with label avmcomputers. Show all posts
Showing posts with label avmcomputers. Show all posts

Saturday, November 3, 2012

பிரம்மாவிடம் சரணடைந்த பைரேட் பே

 The Pirate Bay  இந்த பெயர் டோர்ரென்ட் உபயோகபடுத்தும் அனைவரும் தெரிந்திருக்கக் கூடிய ஒரு வெப்சைட். உலகிலேயே மிக உன்னதமான resilient பிட் டோர்ரென்ட் சைட் என்ற பெருமையைக் கொண்டது. அது என்ன resilient. Resilient என்றால் ஒரு பொருளை நீங்கள் அழுத்தி, வளைத்து, இழுத்து இப்படி என்ன செய்தாலும் திரும்பவும் தன் பழைய நிலைக்கே திரும்பிவிடும் பொருளுக்கு resilient என்றுக் கூறுவார்கள். எத்தனை முறை எரித்தாலும் திரும்பவும் உயிர்த்தெழும் போனிக்ஸ் பறவையைப் போல. இதன் வரலாற்றை படித்தால் இந்த பட்டம் ஏன் கொடுத்தார்கள் என்பது தெரியும்.
 
Hans Fredrik Neij (TiAMO)
  
Per Gottfrid Svartholm Warg
(Anakata)
கி.பி. 2003 நவம்பர்-இல் ஸ்வீடனில் ஆரம்பிக்கப்பட்டது இந்த வெப்சைட்.  Piratbyrån என்ற அமைப்பினர் இதை ஆரம்பித்தனர். Gottfrid Svartholm மற்றும் Fredrik Neij (இவர்களை உங்களுக்கு தெரிந்திருக்கும். பழைய pirated software-இல் anakata, TiAMO என்ற பெயர்களில் இருப்பார்கள்) இதை நடத்தினார்கள்.

  ஸ்பானிஷ் மொழியில் ஒரு file sharing server இல்லை என்ற குறையை போக்கவே தனது லேப்டாப்பை ஒரு சர்வராக மாற்றி புதிதாக ஒரு tracker software (hypercube) எழுதி The Pirate Bay சர்வரை உருவாக்கினார்கள். சிறிது காலம் கழித்து, அந்த வெப்சைட் ஸ்வீடன் மட்டுமின்றி உலகின் பல நாடுகளில் இருந்து உபயோகபடுத்தபடுவதை (80%) அறிந்து, July 2005 முதல் மற்ற மொழிகளுக்கும் பொதுவாக மாற்றினார்கள்.

முதல் சர்வர் - Tiamo-வின் லேப்டாப்
Celeron 1.3 MHz with 256MB  RAM

31 May 2006-இல் Motion Picture Association of America இவர்கள் மேல் குற்றம் சாட்டியதை தொடர்ந்து Stockholm-இல் இருந்த சர்வர்-ஐ ஸ்வீடன் போலீசார் வாரி சுருட்டிக் கொண்டுப் போய் விட்டார்கள். ஆனால் மூன்றே நாட்களில் மீண்டும் முளைத்து விட்டது Pirate Bay.  ஜூன் 3-ஆம் தேதி மீண்டும் ஆரம்பிக்கப்பட்டது Pirate Bay. ஆனால் சர்ச் என்ஜின் மட்டும் வேலை செய்யவில்லை. ஜூன் 9-ஆம் தேதி முழு வேகத்துடனும், முன்பை விட அதிக வேகத்துடன் வேலை செய்த்தது Pirate Bay. ஆரம்பத்தில் நான்கு லினக்ஸ் சர்வர்களும், ஒரு வெப் சர்வரும் கொண்டு நெதர்லாந்து நாட்டிலிருந்து இயங்கியது. ஆனால் ஹாக்கர்கள் ஸ்வீடன் போலீசை விடவில்லை. ஜூன் 1,2,3 தேதிகளில் ஸ்வீடன் போலீசின் வெப்சைட் இயங்கமுடியவில்லை. இது போன்று மேலும் பல ரைடுகள் பிற்காலத்தில் வரலாம் என்று கணித்த Pirate Bay நிர்வாகிகள், பெல்ஜியம் மற்றும் ரஷ்ய நாடுகளில் ஒரு காபி சர்வர்களை வைத்தார்கள்.
மே 2007 ஹாக்கர்ஸ் Pirate Bay-வை தாக்கினார்கள். ஆனால் இரண்டு மணி நேரத்தில் அது மீண்டு வந்தது.
27 ஏப்ரல் 2009 சர்வர் சப்ளை செய்த கேபிள்கள் நாசம் செய்யப்பட்டன. IPv4 கேபிள்கள் மட்டுமே நாசம் செய்யப்பட்டதால் IPv6 கேபிள்கள் மூலம் தடை இல்லாமல் இயக்கப்பட்டது.
24 ஆகஸ்ட் 2009 Pirate Bay ஹோஸ்ட் செய்த ISP திடீரென சைட் இட மாற்றம் செய்ய சொல்லி சைட்-ஐ மூடி விட்டார். மூன்றே மணி நேரத்தில் வேறொரு ISP இடமிருந்து Pirate Bay முளைத்தது.
6 அக்டோபர் 2009 Pirate Bay IP பிளாக் செய்யப்பட்டது. உடனே அது CyberBunker என்ற சர்வர் IP இல் இயங்கத் தொடங்கியது. Cyber Bunker IP routing தான் செய்ததே தவிர பைல் எதுவும் வைத்திருக்கவில்லை. உண்மையான சர்வர் எங்கு உள்ளது என்பதை யாருமே கண்டுபிடிக்க முடியவில்லை.
17 மே 2010 Cyber Bunker-க்கு IP Routing-ஐ நிறுத்துமாறு கோர்ட் உத்தரவிட்டது. அடுத்த சில நிமிடங்களில் ஸ்வீடன எதிர்க் கட்சியான Piratpartiet (The Pirate Party) (இது Pirate Bay-இன் அரசியல் கட்சி, பல லட்சம் இளைஞ்ர்களை கொண்டுள்ளது. ஐரோப்பிய பார்லிமென்ட்-க்கு இரண்டு உறுப்பினர்களை அனுப்பியுள்ளது. ஸ்வீடனின் மூன்றாவது பெரிய கட்சி இது) செர்வரில் இருந்து வரத் துவங்கியது.
8 ஜூலை 2010 அர்ஜென்டினாவை சேர்ந்த ஹேகர்ஸ் சர்வர்-ஐ ஹாக் செய்தார்கள்.
16 மே 2012  மிகப் பெரிய DDoS அட்டாக் நடத்தப்பட்டு 24 மணி நேரம் சர்வர் முடக்கப்பட்டது.
கிட்டத்தட்ட 20௦ முறைகள் Pirate Bay சர்வர்-ஐ முடக்கி இருக்கிறார்கள். ஆனால் ஒவ்வொரு முறையும் ஓரிரு நாட்களிலேயே மீண்டும் உலகின் எந்த ஒரு மூலையில் இருந்தாவது Pirate Bay முளைத்து விடுகிறது.
சென்ற மார்ச் 1 அன்று Pirate Bay வெளியிட்ட ஒரு அறிக்கை அனைவரையும் ஆச்சர்யபட வைத்தது. ஒரு நாட்டின் நிலபரப்பில் சர்வர் வைத்தால் தானே அந்த நாட்டின் சட்டப்படி தவறு என்கிறீர்கள். நாங்கள் வானத்தில் ஐந்து கிலோமீட்டர் உயரத்தில் மிதக்கும் சர்வர்களை வைக்க போகிறோம். அவைகள் சர்வ தேச கடல் பகுதிகளில் பறக்கும். அப்போது எந்த நாட்டின் சட்டமும் எங்களை முடக்க முடியாது என்று அறிவித்தார்கள்.
உலகின் பல நாடுகள் Pirate Bay-வை தடை செய்திருக்கின்றன. ஆனால் அத்தனை தடைகளையும் எப்படியோ உடைத்து Pirate Bay வந்து விடுகிறது.
இந்தியாவில் 4 மே 2012 இந்திய தொலைத் தொடர்பு நிறுவனம் Pirate Bay-ஐ தடை செய்ய சொன்னது. YouBroadband மற்றும் Hathway தவிர மற்றவர்கள் தடை செய்தார்கள். 22 ஜூன் 2012 அன்று சென்னை ஹைகோர்ட் எந்தெந்த பக்கங்கள் பைரசி மென்பொருளைக் கொண்டுள்ளதோ அந்த பக்கங்களை மட்டும் தான் தடை செய்ய வேண்டும், ஒட்டுமொத்தமாக முழு சைட்யும் தடை செய்யக் கூடாது என்று தீர்பளித்தது.
கடந்த செப்டம்பர் மாதம் Pirate Bay சர்வர்களுக்கு சென்ற மின்சாரம் தடை செய்யப்பட்டதால் ஐந்து மணி நேரம் அவை வேலை செய்யவில்லை. அப்பொழுது தான் அவர்கள் இதற்கு ஒரு நிரந்தர தீர்வு வேண்டும் என்று யோசித்தார்கள். இப்பொழுது மிகவும் பிரபலமாய் உள்ள cloud-ஐ வைத்து ஏன் சர்வர்களை இயக்கக் கூடாது என்று நினைத்தார்கள்.
உலகம் முழுவதுமுள்ள cloud சேவை அளிப்பவர்களிடம் கணக்கு (மற்றவர்களின் பெயர்களில்) ஆரம்பிக்கப்பட்டது. The Pirate Bay, load balancer  மற்றும் transit-router களை மட்டுமே தன்னிடம் வைத்துள்ளது. அதையும் ஒரே நாட்டில் வைக்காமல் உலகில் உள்ள ஐந்து கண்டங்களிலும் வைத்துள்ளது. நம்முடைய (user) கோரிக்கைகள் எல்லாம் load balancer-இடம் போகும். Load Balancer ஒரு டிஸ்க் இல்லாத சர்வர் (diskless server). அனைத்து விஷயங்களும் RAM-இல் தான் இருக்கும். Load balancer-இல் இருந்து transit router வழியாக cloud –இல் உள்ள virtual server-க்கு செல்லும் எல்லா டாடாக்களும் (data), encrypt செய்யப்பட்டிருப்பதால், யாரும் கண்டுப் பிடிக்க முடியாது. Cloud provider-க்கே நாம் The Pirate Bay சர்வர்-ஐ வழங்கிக்கொண்டிருக்கிறோம் என்றுத் தெரியாது. அப்படியே தெரிந்தாலும், டாடா பரிமாற்றங்களை பார்க்க முடியாது.
சரி. The pirate Bay-ஐ போலீஸ் ரைடு செய்தால் என்ன கிடைக்கும். வெறும் transit router மட்டுமே கிடைக்கும். சர்வர்கள் எதுவுமே இருக்காது. அதைப் பிடித்துக்கொண்டே அடுத்த நாட்டிற்கு சென்றால் அங்கு ஒரு load balancer இருக்கும். அதிலும் டிஸ்க் எதுவும் கிடையாது. அது ஒரு diskless server. எப்படியோ cloud server-ஐ கண்டுபிடித்தாலும் அவர்களுக்கு வெறும் 500GB encrypted டிஸ்க் இமேஜ் மட்டுமே கிடைக்கும். ஒரு cloud அளிப்பவர் நிறுத்தினாலும் கவலை இல்லை. வேறொரு கண்டத்தில், வேறொரு நாட்டில் உள்ள cloud virtual server வாங்கி அதில் VM disk image-களை நிறுவி load balancer-க்கு இணைத்தால் முடிந்தது. இதை எல்லாம் செய்ய மொத்தம் மூன்று நிமிடங்கள் போதும். உபயோகிப்பாளர்களுக்கு மாற்றம் எதுவும் தெரியாது. தொடர்ந்து எட்டு மணி நேரங்கள் load balancer-உடன் virtual cloud server தொடர்பின்றி இருந்தால் அவை தானாகவே அணைந்து விடும்.
அது என்ன பிரம்மா. அட cloud-ஐ இப்போது The Pirate Bay இப்படி தான் சொல்கிறார்கள். The Pirate Bay-இன் அதிகாரபூர்வ அறிக்கையை பாருங்கள்.
The cloud, or Brahman as the hindus call it, is the All, surrounding everything. It is everywhere; immaterial, yet very real.
If there is data, there is The Pirate Bay.
Our data flows around in thousands of clouds, in deeply encrypted forms, ready to be used when necessary. Earth bound nodes that transform the data are as deeply encrypted and reboot into a deadlock if not used for 8 hours.
All attempts to attack The Pirate Bay from now on is an attack on everything and nothing. The site that you're at will still be here, for as long as we want it to. Only in a higher form of being. A reality to us. A ghost to those who wish to harm us.
Adapt or be forever forgotten beneath the veils of maya.
பிரம்மம் என்றால், எங்கும் நிறைந்திருப்பவன், எங்கும், எதிலும், நீக்கமற, கண்ணுக்குத்தெரியாத ஆனால் உண்மையில் உள்ளவன் என்று பொருள். The Pirate Bay-யும் இப்போது அப்படித்தான். உலகின் எல்லா இடங்களிலும், கண்ணுக்குத்தெரியாமல் நிறைந்திருக்கிறது. இதை தடுக்க நினைத்தால் உலகில் அனைத்தையும் தடுக்க வேண்டும் அல்லது எதையுமே தடுக்க கூடாது. எல்லாம் மாயா.
எவ்வளவு தான் தடை செய்தாலும், திரும்ப திரும்ப முளைக்கும் இந்த போனிக்ஸ் வெப் சைட்-ஐ எப்படி தடை செய்வது என்று ஸ்வீடன், அமெரிக்க போலீஸ் தலையை பிய்த்து கொண்டுள்ளது. ஆனால் ஒவ்வொரு சோதனைகளும் தான் எங்களுக்கு பல சாதனைகளை செய்ய தூண்டியது என்று போலீஸ்-க்கு நன்றி சொல்லியுள்ளனர் The Pirate Bay குழுவினர்.
எல்லோரையும் ஆச்சரியப்பட வைப்பது ஒன்று தான். ஒவ்வொரு சோதனைகளை தாண்டும் போதும், கொஞ்சம் கூட கோபப்படாமல் நக்கலாக பதிலளிப்பது (நம்மூர் கோயம்புத்தூர் குசும்பு போல) The Pirate Bay-இன் ஸ்பெஷல். சில நக்கல்கள்.
09-06-2006 ஸ்வீடன் போலீஸ் ரைடுக்கு பின்

நாங்கள் போனிக்ஸ் பறவை

ஸ்டாக்ஹோம் நகர கோர்ட்டில் இந்த வழக்கு நடந்த போது, ஸ்வீடன் வழக்கப்படி, எதிக்கட்சி வக்கீலான professor emeritus Roger Wallis-இடம் நீதிபதி, அவர்கள் வழக்கப்படி, இந்த கேசை வாதாடுவதற்க்காக ஏதாவது செய்ய வேண்டுமா? என்று கேட்டதற்கு, அவர் தனக்கு எதுவும் வேண்டாம் என்றும், கோர்ட் விருப்பபட்டால் தனது மனைவிக்கு ஒரு மலர் பூங்கொத்து அனுப்பலாம் என்றும் கூறினார். ஆனால் நீதிபதி இதை ஏற்க்க மறுத்து விட்டார். அன்று மாலைக்குள் US$5,000 அளவிற்கு வலைதளங்கள் மூலம் அவர்கள் வீட்டிற்கு பூங்கொத்துக்கள் உலகம் முழுவதும் இருந்து அனுப்பப்பட்டன.
சென்ற வாரம் நோபல் பரிசு அறிவித்தபோது அவர்கள் ஒரு அறிக்கையை வெளியிட்டார்கள். நியாயமாக அமைதிக்கான நோபல் பரிசு எங்களுக்கு கிடைக்க வேண்டும். அடுத்த வருடமாவது எங்களுக்கு தரவில்லை என்றால் ஸ்வீடன் நாட்டை நாங்கள் தடை செய்து விடுவோம். அதன் பின் தெரியும் எங்களால் ஸ்வீடன் நாட்டு மக்கள் எவ்வளவு நிம்மதியாக வீட்டில் இருக்கிறார்கள் என்பது. பலருக்கு இலவச மென்பொருள் அளித்தது மூலம் நாங்கள் மிகப் பெரிய பொருளாதார உதவி செய்துள்ளோம். அதற்காக எங்களுக்கு பொருளாதாரத்திற்க்கான நோபல் பரிசு தர வேண்டும்.

Cloud-க்கு போனதால் வந்த நன்மைகள்.

1.     பண முதலீடு மிகவும் குறைவு.
2.     சைட் டௌன் டைம் மிகக் குறைவு.
3.     சைட்டை ஒரு செர்வரில் இருந்து, மற்றொன்டிற்கு மாற்றுவது மிகவும் எளிது.
4.     யாராலும் தடை செய்ய முடியாது.
5.     இவை எல்லாவற்றையும் விட 17 virutal machines, ச்விட்ச்கள், ரௌட்டர், cloud, cooling system அனைத்தும் சேர்ந்து வெறும் 2500W பவரில் இயங்குகிறது. இது கிட்டத்தட்ட நம் வீட்டில் இருக்கும் ஒரு வாக்குவம் கிளீனர் எடுத்துக்கொள்ளும் பவருக்கு சமம். இதற்கு முன் அவர்கள் உபயோகபடுத்திய 16 dedicated servers & 3 switches 6000W பவரை உறிஞ்சியுள்ளன. இப்போது உலகில் உள்ள நம்பர் ஒன் கிரீன் சைட் The Pirate Bay தான்.
உலகில் பல பைல் ஷேரிங் சைட்கள் இருக்க The Pirate Bay-ஐ மட்டும் ஏன் இப்படி குறி வைக்கிறார்கள்.
          உலகின் எழுபத்து ஏழாவது பிரபலமான வெப்சைட்.
          அமெரிக்காவின் எழுபத்தி ஆறாவது பிரபலமான வெப்சைட். (இதுதான் மிக முக்கியம்).
          இந்தியாவில் 48ஆவது பிரபலமான வெப்சைட்.
   அமெரிக்காவை அடுத்து இந்தியாவில் தான் அதிகம் பேர் இதை உபயோகப்படுத்துகிறார்கள்.
வாழ்க வளமுடன் The Pirate Bay.



Saturday, August 4, 2012

சீனாவின் ராக்ஷஸ அணுகுண்டு


Ankit Fadia இவரை உங்களுக்கு தெரியுமா? நமது கோயம்புத்தூர்-இல் பிறந்து மும்பாயில் வளர்ந்து டெல்லி பப்ளிக் பள்ளியில் படிக்கும் போது chip பத்திரிக்கையின் இணைய தளத்தை ஊடுருவி தனது போட்டோவை அதில் இணைத்தார். பின்னர் அந்த பத்திரிக்கையின் ஆசிரியரை அழைத்து தான் செய்ததை ஒப்புக் கொண்டார். பத்திரிக்கை ஆசிரியரும் அவர் மேல் புகார் கொடுக்காமல், அவருக்கு தனது கம்பெனி-இல் பதவி வழங்க முன் வந்தார். அப்போது தான் தெரிந்தது அவருக்கு வயது வெறும் 13தான் என்பது. தனது 15 வது வயதில் “Ethical Hacking” Ethical Hacking published by macmillan india” என்ற புத்தகத்தை எழுதியதின் மூலம் மிக குறைந்த வயதில் (15) ஒரு புத்தகத்தின் ஆசிரியர் என்ற கவுரவம் பெற்றார். தற்போது இவர் மேல் சில குற்றசாட்டுகள் இருந்தாலும் “Ethical Hacking” என்ற ஒரு நல்ல விஷயத்தை உருவாக்கினார் என்ற நல்ல எண்ணமும் இவர் மேல் உண்டு.

Ethical Hacking என்றால் ஒரு மென்பொருளில் உள்ள ஓட்டைகளை ஆராய்ந்து கண்டுபிடித்து அதைப் பற்றி அந்த மென்பொருளை தயாரித்த கம்பெனி-இடமே தெரிவிப்பது என்பதாகும். பெரும்பாலும் இதற்கு முன் அந்த ஓட்டையை வைத்து வைரஸ் எழுதுபவர்கள் தான் இருந்தார்கள். இப்படி ethical hackers இருப்பதால் தான் நமக்கு ஒவ்வொரு முறையும் செக்யூரிட்டி அப்டேட் உடனுக்குடனே கிடைக்கிறது.

சரி இப்போது நமது விஷயத்திற்கு வருவோம். இந்த ethical hacker-களில் முக்கியமானவர் Jonathan Brossard. பிரான்சில் பிறந்து இந்தியாவில் ஆங்கிலம் கற்று ஆஸ்திரேலியாவில் வாழ்ந்துக் கொண்டிருக்கும் இவர் தான் இன்று hackers மத்தியில் ஒரு ஹாட் டாபிக். தனது பயோ-டேட்டாவில் கூட மிக அழகாக ஆங்கிலம் பேசுவேன் என்றுக் குறிப்பிட்டுள்ளார். தனது ஆங்கில திறமைக்கு இந்திய கல்லூரிகளுக்கு நன்றி சொல்லியுள்ளார். (இவர் பிரான்ஸ்-இல் பிறந்தவர் என்பதை நினைவில் கொள்ளுங்கள்). இவர் கண்டுபிடித்துள்ள malware க்கு ராக்ஷசா என்று இந்தியப் பெயரைத் தான் வைத்துள்ளார். (ராட்சதன்). உலகில் உள்ள அனைத்து hackers௦-ம் Black Hat Security Conference, Los Angels-ல் ஒவ்வொரு வருடமும் கூடுவார்கள். இந்த வருடம் கடந்த ஜூலை 29-ஆம் தேதி கூடியது. அதில் Jonathan Brossard செயல்படுத்தி காண்பித்த இந்த மால்வேர் அனைவரையும் திடுக்கிட வைத்தது.

அப்படி என்ன பெரிய மால்வேர். இந்த மால்வேர் உங்கள் பயஸ்-உடனே உங்களுக்கு வருகிறது. உங்கள் பயஸ் தான் உங்கள் கணினியின் முதல் வேர். இது தான் பின்னர் அனைத்து பாகங்களையும் இயக்க வைக்கிறது. இதில் ஒரு வைரஸ் உள்ளே வந்தால் இப்போதுள்ள சில ஆண்டி-வைரஸ் கண்டுபிடிக்கின்றன. ஆனால் இந்த ராக்ஷஸவை எந்த மென்பொருளும் கண்டுபிடிக்கவில்லை. கண்டுபிடிக்கவும் முடியாது. இந்த ராக்ஷஸ உங்கள் பைல்களை நீங்கள் இன்டர்நெட் ஆரம்பித்த உடன் தனது சர்வர்-க்கு உங்களுக்கும் எந்தவொரு ஆண்டி-வைரஸ் மென்பொருளுக்கும் தெரியாமலே அனுப்பி விடுகிறது.

ஆனால் இன்டெல் இதை மறுக்கிறது. இப்போதெல்லாம் பயஸ் cryptographic code signed உடன் வருகிறது. எனவே இந்த மால்வேர் வர முகாந்திரம் இல்லை என்கிறது இன்டெல். ஆனால் மிக அதிக விலையுள்ள தாய் பலகைகள் மட்டுமே இப்படி வருகிறது. நாம் வாங்கும் அனைத்து தாய் பலகைகளும் சாதாரண பயஸ் உடன் தான் வருகிறது. இதில் மிக முக்கியமான விஷயம் என்னவென்றால் இது தாய்ப் பலகையில் உள்ள பயஸ் வழியாக மட்டும் வரும் என்பதில்லை. நீங்கள் புதிதாக வாங்கி இணைக்கும் network card, PCI card, PCI express card, cd-rom என எந்த ஒரு உறுப்பிலும் உள்ள பயஸ் (இங்கு பயஸ் என்பதை eeprom or rom என்றும் சொல்லலாம்) மூலமாகவும் இது உங்கள் கணினியை தாக்கலாம்.

Jonathan Brossard-ன் ஒரு வார்த்தை தான் அனைவரையும், அனைத்து நாடுகளையும் கதிகலங்க வைத்துள்ளது. நாம் வாங்கும் அனைத்து வன்பொருட்களும் (hardware) சீனாவில் தயாரிக்கபடுகின்றன. ஏற்கனவே சீனா இந்த மால்வேர் பற்றி நன்கு தெரிந்து வைத்திருக்கிறது. ஒரு அரசாங்கத்தால் வாங்கப்படும் ஒரு கணினியில் இந்த மால்வேர் இருந்தால் அரசாங்க ரகசியங்கள் நிலை என்ன? கிட்டத் தட்ட உலகில் உள்ள அனைத்து அரசாங்க, ராணுவ ரகசியங்களும் சீனாவிடம் முன்பே இருக்கலாம். அதை விட பயங்கரம் ஒரு நாட்டின் அனைத்து ஏவுகணை, அணுகுண்டு ஏவ வைத்திருக்கும் கட்டுப்பாடு கணினியின் (control computer) முழு கட்டுப்பாடும் சீனாவின் கையில் இருந்தால்?

இதை தவிர்க்க இன்டெல் சொன்னது போல cryprographic code signed தாய்ப் பலகையை வாங்க வேண்டும். அல்லது உங்களிடம் உள்ள அனைத்து பயஸ்களும் ஒரே நேரத்தில் பிளாஷ் செய்ய வேண்டும். ஒரே நேரத்தில் பிளாஷ் என்பது மிகவும் கடினமான வேலை. ஒன்றின் பின் ஒன்றாகத் தான் செய்ய முடியும். அவ்வாறு பிளாஷ் செய்ய உங்களுக்கு administration rights இருக்க வேண்டும். இதில் ரொம்ப முக்கியம் administration rights-இல் நீங்கள் ஒரு பயஸ்-ஐ பிளாஷ் செய்யும்போது மற்றொரு பர்ர்ட்டில் உள்ள மால்வேர் தானாகவே பயஸ்-இல் இணைய வாய்ப்புள்ளது. இப்போதைக்கு இந்த மால்வேர் இருந்தால் அவர்கள் கூறும் ஒரே வழி அந்த கணினியை தூக்கிப் போட்டுவிட்டு வேறொன்று புதிதாக வாங்கிக் கொள்ளுங்கள் என்பது தான்.

ஒரு தாய்ப் பலகையோ அல்லது பிசிஐ கார்டுகளோ சீனாவில் தயாரிக்கப்பட்டு பல கைகள் மாறித் தான் இறுதியாக பயனீட்டாளர் கைகளில் போய் சேருகிறது. நடுவில் எங்கே வேண்டும் என்றாலும் இந்த மால்வேர்-ஐ நீங்கள் இணைக்கலாம்.

இந்த மால்வேர்-ஐ பற்றி சென்ற வருடமே Jonathan Brossard எச்சரித்தார். அப்போதும் அதைப் பற்றி இன்டெல் மறுத்தது. ஆனால் அமெரிக்க அரசும், ராணுவமும் உடனே ஒரு குழுவை அமைத்து இதைப் பற்றி ஆராய சொன்னது. அந்தக் குழுவின் அறிக்கை அறிக்கையை பார்க்கும் போது சீனா முன்பே PACOM மற்றும் TRANSCOM கணினிகளில் ஊடுருவி இருக்கலாம் என்று சந்தேகப்படுகிறார்கள். PACOM என்பது அமெரிக்காவின் ஒட்டுமொத்த ராணுவத்தை கையாளும் ஒரு துறை. அமெரிக்காவின் மேற்கு கரை முதல் இந்தியாவின் மேற்கு கரை வரையும் அண்டார்டிக்கா முதல் தெற்கு முனை வரையும் உள்ள ராணுவ விவகாரங்களை கையாளும் ஒரு துறை. TRANSCOM என்பது அமெரிக்க ராணுவத்தின் முப்படைகளையும் இடமாற்றம் மற்றும் பொருள் சப்ளை செய்யும் ஒரு துறை. உளவுத் துறையிலும் கணினித் துறையிலும் சீனா எந்த அளவு முன்னேறி உள்ளது என்பதை அந்த அறிக்கை மிகத் தெளிவாக கூறியுள்ளது.

சுமார் இருபது ஆண்டுகளுக்கு முன்பே சீனாவின் PLA (People Liberation Army) தனது வேலைகளை துவக்கியுள்ளது. C4ISR (Command, Control, Communications, Computers, Intelligence, Surveillance and reconnaissance) என்ற ஒரு அமைப்பை ஆரம்பித்து அதற்காக மிகப் பெரிய அளவிலும், பெரும் பணம் ஒதுக்கியும் செயல்ப்படுத்தி வந்திருக்கிறார்கள். இந்த பேக் டோர் மால்வேர் கூட அவர்கள் தற்போது புதிதாக் மாற்றிய கணினி கொள்கை மூலம் தான் தெரிய வந்தது. சீனா தாங்கள் வாங்கும் தாய் பலகைகள் பயஸ் cryptographic code signed உடன் இருக்க வேண்டும் என்று ஒரு சட்டம் போட்டது. அப்போது தான் அது ஏன் என்ற கேள்வி எழுந்தது? பின்னர் தான் இந்த ராக்ஷஸ வெளியில் வந்தது. இதை சீனா information warefare என்று அழைக்கிறது. அதாவது ஒரு நாட்டுடன் சீனா போர் செய்ய வேண்டும் என்றால் அது மிகச் சுலபமாக, எதிரி நாட்டின் அனைத்து நெட்வொர்க்களையும் கட்டுபடுத்தி வென்றிட முடியும். எதிரி நாடு தன் குண்டுகளை இயக்க முடியாது, தனது படைகளுக்கு இடம் பெயர ஆணையிட முடியாது. கிட்டத்தட்ட எதிரி கையை கட்டி விட்டு சண்டையிட்டு வெற்றி பெருவது போன்றது இது. Integrated Information warfare (IW) என்பது PLA-வின் புதிய முயற்சி. இது நான்கு பிரிவுகளை கொண்டுள்ளது. மூன்றாவது பிரிவு சீனாவின் உள்கட்டமைப்புகளை (கணினி, நெட்வொர்க்) காப்பாற்றுவதற்காகவும், நான்காவது பிரிவு வெளிநாட்டு உள்கட்டமைப்புகளை குலைப்பதற்க்காகவும் இருக்கிறது.
தற்போது கணினி ஆராய்ச்சிற்காக ஐந்து மணிக் குழுக்களை ஆரம்பித்து உள்ளது. இதன் கீழ் 50௦ பல்கலைக் கழகங்கள் IW ஆராய்ச்சியில் ஈடுபட்டுள்ளன. சீனாவின் மிகப் பெரிய பலமாக இருப்பது அங்குள்ள வெளிநாட்டு கம்பெனிகள் தான். வெளி நாட்டு கம்பெனிகள் சீனாவின் உள்நாட்டு கம்பெனிகளுடன் இணைந்து ஆராய்ச்சியில் ஈடுபட்டுள்ளன. இந்த உள்நாட்டு கம்பெனிகள் தனியாக அரசு ஆராய்ச்சியுடன் இணைந்துள்ளன. எனவே எந்த ஒரு புதிய கண்டுபிடிப்புகளும் இவர்கள் மூலமாக அரசுக்கு கிடைத்து விடுகிறது.

உலகின் மிகப் பெரிய தொலைத் தொடர்பு கம்பெனிகள் கூட தங்கள் மிக நவீனமான கருவிகளை சீனாவில் தான் தயாரிக்கின்றன. இது மிகப் பெரிய வரப்பிரசாதமாக சீனா கருதுகிறது. எனவே தான் நிறைய சலுகைகளை வாரி வழங்குகிறது. ஒரு சில நிறுவனங்களில் மிகக் மிகக் குறைந்த கூலிக்கே ஆராய்ச்சியாளர்கள் வேலை செய்கிறார்கள். இதை உற்பத்தி விலை குறைவு என வெளிநாட்டு கம்பெனிகள் நினைக்கின்றன. ஆனால் உண்மையில் அவர்களுக்கு மிக அதிக சம்பளம் கொடுக்கிறது PLA.

இதில் அவர்கள் முக்கியமாக சந்தேகபடுவது (சாட்சிகளோ ஆதாரங்களோ இல்லை) Huawei, ZTE மற்றும் Datang.  இந்த மூன்று கம்பெனிகளும் உலகின் 3G நெட்வொர்க்கின் மார்க்கெட்டை பெரும்பான்மையாக வைத்துள்ளன. இந்த மூன்று கம்பெனிகளுமே ஒன்றுக்கொன்று தொடர்பு கொண்டுள்ளன. இதை digital triangle என்று கூறுகிறார்கள். இந்த மூன்றுமே சீனாவின் அரசாங்கத்திற்கு supplier ஆகவும் அதே நேரம் ஆராய்ச்சி உதவியாளர்களாகவும் இருக்கின்றன.

Huawei முதலில் Symantec உடன் ஆண்டி-வைரஸ் மற்றும் நெட்வொர்க் பாதுகாப்பு குறித்து சீனாவில் ஆராய்ச்சியில் இறங்கியது. திடீரென ஒரு நாள் Symantec-இன் ஒரு பிரிவை முழுவதுமாக வாங்கி தனதாக்கிக் கொண்டது. ஆனால் இது போல பல நெட்வொர்க் பாதுகாப்பு கம்பனிகளை ஹோவெய்  வாங்கியுள்ளது. அதை எல்லாம் சீனா வெளியே தெரியாமல் மறைத்துள்ளதும் இப்போது தெரிய வந்துள்ளது. ஹோவெய் கம்பெனியை சீனா அரசாங்கம் “national champion” என்று கூறியுள்ளது. ஹோவெய் இன்று உலகின் இரண்டாவது மிகப் பெரிய நெட்வொர்க் கம்பெனி. PLA-விற்கும் ஹோவெய்-க்கும் உள்ள நெருக்கம் பற்றி மேலும் சொல்ல தற்போது சீனா வெளியிட்டுள்ள tender law உதவும். இந்த டெண்டர் லா புத்தகத்தில் உள்நாட்டு தனியார் கம்பனிகளை எப்படி தேர்வு செய்வது என்பதில் Guowei மற்றும் Huawei கம்பெனிகளுக்கு முன்பு ராணுவத்திற்கு தேவையான IC-க்களை தயாரிப்பதற்கு அனுமதித்ததால் மற்ற நாடுகளால் தடை செய்யப்பட்ட IC-களை எவ்வாறு அவர்கள் தயாரித்து கொடுத்தார்கள் என்பதையும் தனியார் கம்பெனிகளை ஆராய்ச்சி மற்றும் முன்னேற்ற வேலைகளுக்கு உபயோகபடுத்துவதால் உண்டாகும் நன்மைகளைப் பற்றியும் சொல்லியிருக்கிறார்கள். அதை விட ஹோவெய்-இன் “Huawei Technology Fund” என்ற கல்வி மானிய பணம் பெரும்பாலும் சீனாவின் ராணுவ ஆராய்ச்சி பல்கலைகழகங்களுக்கு கொடுக்கப்பட்டிருக்கிறது. சீனா நாட்டு ராணுவத்தினருக்கு டெக்னிகல் ட்ரைனிங் தருவதும் ஹோவெய் தான்.

Zhongxing Telecom Technology Corp (ZTE) : உலகின் ஐந்தாவது பெரிய தொலை தொடர்பு நிறுவனம் இது. ஒரு அரசாங்க ஆரம்பித்த கம்பெனி இப்போது தனியார் கம்பெனியாக இருக்கிறது.

Datang Telecommunications Science and Technology Co., Ltd. : சீனா அரசாங்கத்தால் ஆரம்பிக்கப்பட்டு இன்றும் சீனா அரசாங்கத்தின் கீழே இருக்கும் கம்பெனி இது. முக்கியமாக உள்ளூர் பயன்பாட்டிற்காக இது செயல்படுவதால் இதன் ராணுவ தொடர்பு பெரியதாக கண்டு கொள்ளப்படவில்லை. ஆனால் இப்போது இந்த கம்பெனியும் வெளிநாட்டுக்கு ஏற்றுமதி செய்ய ஆரம்பித்துள்ளது.

மொத்தத்தில் இத்தனையும் நடந்தால் ராக்ஷஸ, அணுகுண்டை விட மோசமானது. அணுகுண்டு ஒரு குறிப்பிட்ட பகுதியை மட்டும் அழிக்கும். ஆனால் இந்த ராக்ஷஸ ஒரு நொடியில் உலகம் முழுவதையும் ஸ்தம்பிக்க வைத்து விடும்.

ஒவ்வொரு முறையும் ராக்ஷசனை கொல்ல கடவுள் அவதாரம் எடுப்பார். இந்த ராக்ஷசனுக்கு?


P.S. please see this news http://chinhdangvu.blogspot.in/2012/06/lawmakers-press-huawei-zte-amid-probe.html

Tuesday, May 29, 2012

LCD – பின்னால் உள்ள உண்மைகள்.- I


LCD – Liquid Crystal Display (திரவ படிக காட்சி)


சிறுது காலத்திற்கு முன் நமது காண்பித் மெயில் க்ரூப்பில் LCD Panel –கள் பற்றி சில கேள்விகள் வந்தன. LCD-யா LED-யா எது உண்மை. என்பது பற்றி ஏகப்பட்ட குழப்பங்கள், நமது வாடிக்கையாளருக்கும் நமக்கும். அது பற்றி அப்பவே எழுத வேண்டும் என்று நினைத்தேன். இப்பொழுது தான் நேரம் கிடைத்தது. தாமதத்திற்கு மன்னிக்கவும்.

LCD கண்டுபிடிக்கபட்டதே ஒரு சுவாரசியமான கதை. LCD-ஐ நமக்கு தந்தது கொழுப்பு தான். ஆஸ்திரேலியாவை சேர்ந்த friedrich reinitzer என்ற ஒரு ஆராய்ச்சியாளர் காரட்-இன் கொழுப்பை ஆராய்ச்சி செய்தார். அதன் இயற்பியல் தன்மையை ஆராய்வதற்காக அதன் உருகும் வெப்ப அளவையும், ஆவியாகும் வெப்ப அளவையும் கண்டுபிடிப்பதற்காக அதை சூடு படுத்தினார். ஒரு பொருள் தின்ம தன்மையில் இருந்து நீர்மமாதலை நாம் உருகும் தன்மை என்கிறோம். ஆனால் இந்த கொழுப்புகள் ஒரு குறிப்பிட்ட வெப்பநிலையில் உருக ஆரம்பித்தன. ஆனால் நீரின் இயற்பியல் பண்புகளை அது கொண்டிருக்கவில்லை. நீர்ம தன்மையின் போது அதன் மூலக்கூறுகள் வெவேறு திசைகளை நோக்கி கொண்டிருக்க வேண்டும். ஆனால் இதன் மூலக்கூறுகள் ஒரே திசையை நோக்கி கொண்டிருந்தன. மூலக்கூறுகள் ஒரே திசையை நோக்கி இருப்பது தின்மங்களின் இயற்பியல் விதி. அப்படி ஆனால் அது திண்மமா இல்லை நீர்மமா என்று ஒரு குழப்பம் அவருக்கு உண்டானது. அதை மேலும் மேலும் சூடக்கும்போது தான் அது முழு நீர்மமாக மாறியது. அதாவது அந்த கொழுப்புக்கு இரண்டு உருகும் வெப்ப நிலையை கொண்டிருந்தது. அந்த இரண்டு உருகும் வெப்ப நிலைக்கு இடைப்பட்ட நிலையை தான் liquid crystal என்று பெயரிடப்பட்டது. அதாவது இது ஒரு அர்த்தநாரீஸ்வரர் நிலை.

 

LCD எப்படி இயங்குகிறது?


LCD எவ்வாறு செயல்படுகிறது என்பது ஒன்றும் மிக பெரிய கம்ப சூத்திரம் இல்லை. நாம் தினமும் உபயோகபடுத்தும் சூரிய கண்ணாடிகள் Sun Glasses செய்ய உபயோகிக்கும் அதே முறை தான் LCD –க்கும். நம் சூரிய கண்ணாடிகள் எப்படி செயல்படுகிறது என்று பார்ப்போம்.


 சூரிய ஒளி மண்ணில் பட்டவுடன் அது எல்லா கோணங்களிலும் எதிரொலிக்கிறது. நம் சூரிய ஒளி கண்ணாடியில் உள்ள பிளாஸ்டிக் கோட்டிங் இங்கு ஒரு liquid crystal போல் செயல்பட்டு, அதற்கு நேர கோணத்திலிருந்து வரும் ஒளியை மட்டும் நம் கண்ணுக்கு அனுப்புகிறது. மற்ற ஒளிகளை திருப்பி அனுப்பி விடுகிறது.
 இதே technique தான் LCD லும் உப்யோகபடுத்தபடுகிறது.

மேலே உள்ள படத்தில் உள்ள polarizing filters என்பது நமது சூரிய கண்ணாடிகள் போன்றவை. கிரிஸ்டல்கள் சுருள் போல் இருக்கும் போது ஒளி திரும்பி இரண்டாவதாக இருக்கும் Polarised filter-க்கு perpendicular –ஆக விழும். நம் சூரிய கண்ணாடி போலவே இந்த ஒளி நேரே வருவதால் அதை தன்னை ஊடுருவ விட்டுவிடும். அந்த ஒளி வெளிய உள்ள சிகப்பு, பச்சை, நீலம் போன்ற வண்ண பில்டர்கள் மூலம் அந்த வண்ணமாக நம் கண்களுக்கு வருகிறது. அதே கிரிஸ்டல் சார்ஜ் செய்யப்படும் போது கிரிஸ்டல்கள் சுருளாக இருப்பது நேராக மாறி விடுவதால் ஒளி polarized filter-க்கு parallel-ஆக வருவதால் ஒளியை ஊடுருவ விடாது. எனவே இந்த புள்ளி நமக்கு கருப்பாக தெரியும்.



 

    


 ஒளி ஊடுருவி திரையில் வெளிச்சம் தெரிகிறது.             ஒளி ஊடுருவாததால் திரை
                                                                                                               கருப்பாக இருக்கிறது

LCD Vs LED (LED Backlight)


Light Source என்ற ஒளி உமிழ்ப்பானை பார்த்தோம் அல்லவா? பழைய LCD திரையில் அது ஒரு நீளமான Cold Cathode Florescent Lamp (CCFL) ஆக இருந்தது. இப்போது LED பல்பு ஆக உள்ளது.

 



மேலே உள்ள படத்தில் நீங்கள் பார்ப்பது தான் LED பல்பு. பல LED களை ஒன்றாக இணைத்து ஒரு tubelight போல எரிய விட்டிருக்கிறார்கள்.

சரி. LCD-இல் உள்ள CCFL-க்கும் LED –க்கும் என்ன வித்தியாசம்.

CCFL –இல் ஒளி எல்லா இடங்களிலும் ஒரே மாதிரி எரியும். எனவே கருப்பு இடங்கள் சிறிது வெள்ளையாக தெரியும். LCD monitor-யும் LED monitor-யும் அருகருகே வைத்து பின்பக்கத்தை கருப்பாக மாற்றினால் LED-இல் அது முழு கருப்பாகவும், LCD-இல் சிறிது ஒளியுடனும் தெரியும். CCFL என்பது நம் வீட்டில் உபயோகபடுத்தும் ட்யூப் லைட் போன்றது. ஆனால் LED-இல் நீங்கள் வேண்டும் இடத்தில உள்ள LEDஐ நிறுத்தி (OFF) விட முடியும். எனவே அந்த இடம் முழு கருப்பாக இருக்கும்.

 
அடுத்தது Brightness வெளிச்சம். LED மானிடர்கள் LCD மானிடர்களை விட மிக அதிக வெளிச்சம் தருபவை. எனவே இவற்றின் luminous மிக அதிகம்.

Environment Friendly : LCD மானிடர்-இல் உள்ள CCFL பல்புகள் மெர்குரி கொண்டவை. எனவே அவை தயாரிக்கும் போதும், மறு சுழற்சியின் போதும் சுற்றுப்புற சூழ்நிலைக்கு மாசு ஏற்படுத்துகின்றன. LED –இன் வெப்ப உமிழ்தலும் மிகவும் சிறிது.

Power Consumption: LED மானிடர்கள் LCD-ஐ விட 40% குறைவான மின்சாரத்தையே உபயோகபடுத்துகின்றன.

விலை : LED மானிடர்கள் விலை மிகவும் குறைவு.

எடை : LED மானிடர்கள் எடை மிகவும் குறைவு.

அளவு : LED மானிடர்கள் அளவு மிகவும் குறைவு. Sleek model

நீடித்த உழைப்பு : CCFL பல்புகள் 100000 மணி நேரம் உழைக்கும் என்று கம்பனிகள் கூறினாலும் 20000 மணி நேரத்திற்கு பிறகு ஒளி மங்க தொடங்கிவிடுகிறன.
இந்த LED backlight-இலேயே பல வகைகள் உள்ளன. இதை இரு பெரு வகையாக பிரிக்கலாம். ஒன்று WLED எனப்படும் White LED, மற்றொன்று RGB LED.

நாம் காணும் LCD திரையின் பின் பக்கம் முழுவதும் ஒவ்வொரு பிக்சல் பின்னாலும் ஒரு வெள்ளை LED இருக்கும். ஆனால் இந்த முறையை நம் மானிடர்-களில் உபயோகபடுத்துவதில்லை. அதற்கு பதில் நான்கு ஓரங்களிலும் LED பார்டர் கட்டி எரிய விட்டிருக்கிறார்கள். WLED-ஐ தான் நாம் edge LED என்று கூறுகிறோம். இதனால் பணமும், மானிடர்-இன் அகலமும் குறைகிறது. இப்போது இந்த technology மேலும் முன்னேறி மானிடர்-இன் கீழ் பகுதியில் மட்டும் ஒரே ஒரு வரி LED ஸ்ட்ரிப் மட்டும் வைத்திருக்கிறார்கள். அதன் படத்தை தான் நாம் மேலே பார்த்தோம். இப்போது மார்க்கெட் –இல் இருக்கும் பெரும்பான்மையான மிக குறைந்த விலை மானிடர்-கள் இந்த வகையில் தான் வருகிறது.

மற்றொரு வகை மானிடர் – RGB LED என்பது ஒவ்வொரு pixel-ம் சிவப்பு, பச்சை, நீலம் ஏன மூன்று நிற LED களால் திரை-இன் பின்புறம் முழுவதும் நிரப்பபட்டிருக்கும். இந்த முறை மானிடர்-களில் மிக மிக சரியான நிறங்களை காண முடியும். ஆனால் இந்த வகை மானிடர்-கள் விலை மிக அதிகம் என்பதால் அவ்வளவாக மார்க்கெட்-இல் கிடைப்பதில்லை.

 
TFT – Thin film Transistor LCD - இதுவும் ஒரு LCD மானிடர் தான். ஆனால் இந்த வகையில் ஒவ்வொரு செல்லும் ஒரு ட்ரான்ஸ்சிஸ்டர் மூலம் on / off செய்யபடுகிறது.

 
 
 


 இதோடு முடியவில்லை. இவை எல்லாம் நமக்கு பரிச்சியமான சில விஷயங்கள். ஆனால் நமக்கு சொல்லாமல் கம்பெனி-கள் செய்யும் மேலும் பல விஷ்யங்களை பிறகு பார்க்கலாம்.







 

.